Өнгөрсөн пүрэв гарагт Тайванийн нэгэн галт тэрэг ачааны машинтай мөргөлдөж, замаасаа гарч осолдсоны улмаас 50 гаруй хүний амь эрсдээд буй билээ. Тэгвэл тус улсын эрх баригчид галт тэрэгтэй мөргөлдсөн ачааны машины жолоочийг баривчлах тушаал өгчээ.

Тус Тароко буухиа галт тэрэг нь шашны баярын эхний өдөр 500 гаруй хүн тээвэрлэж явахдаа туннельд ачааны машинтай мөргөлдөж, замаасаа гарч осолдсон байна.

Амьд үлдсэн хүмүүс олон цаг галт тэрэг дотор гацаад байсан бөгөөд цонхыг нь хагалан, галт тэрэгний дээвэр дээгүүр зугтан амь гарч, 150 гаруй хүн бэртжээ. Ослын газар 48 хүн нас барсан  бөгөөд бэртэл авсан хоёр хүн эмнэлэгт хүргэгдээд нас баржээ. Тэгвэл уг хэрэгт ачааны машины жолоочийг шалгаж байна. Тухайн үед жолооч машиныхаа хажууд байгаагүй  хэдий ч түүнийг машинаа буруу байрлуулсны улмаас осол үүссэн байх магадлалтай хэмээн цагдаа нар үзэж байна.