Мьянмарын цэргийн хүчнийхэн жагсагчид ихсэж байгаа тул улс даяар интернет таслах шийдвэр гаргажээ.

Цэргийн хүчнийхэн төрийн эрх баригчдыг унагаж, ардчиллыг үгүй хийсэнд бухимдлаа илэрхийлэн олон нийт жагссаар байгаа билээ.Баасан гарагт нэг шөнийн дотор жагсаалд оролцсон 2751 хүнийг цэргийн хүчнийхэн саатуулжээ. Тэгвэл өнгөрсөн баасан гарагт цэргийн хүчнийхэн интернет таслах тушаал гарсны дараа улс даяар интернетгүй болжээ.

Хамгийн сүүлийн мэдээгээр интернет тасалж байх үед цэргийн хүчнийхэн олон арван сэтгүүлчдийг саатуулсан гэв.

Цэргийн хүчнийхэн төрийн эргэлт хийсэн явдалд НҮБ болон Европын холбоо, АНУ зэрэг олон улс буруушааж байгаа билээ. НҮБ-ийн Мьянмар дахь тусгай элч  нар цэргийнхэн ахин жагсагчид руу гал нээж магадгүй хэмээн сэрэмжлүүлсэн билээ.

Мьянмарын цэргүүд жагсаалд амь үрэгдсэн хүний тоог хүртэл нууж байв. Тэгвэл интернет тасалснаар тухайн улсаас ирэх мэдээллийн урсгал хаагдах аюултай гэв.