“Токио-2020” зуны олимпын XXXII наадмын хөгжмийн найруулагч Кэйго Оямада ажлаа өгчээ. Тодруулбал, өдгөө 52 настай хөгжмийн зохиолч Кэйго Оямадаг дунд сургуульдаа ангийнхаа хөгжлийн бэрхшээлтэй хүүхдийг дээрэлхдэг байсан тухай орон нутгийн хэвлэлүүд мэдээлсэн байна. Энэ тухай тэрбээр “Тийм ээ, үнэн. Би дээрэлхсэн” гэж харамсах зүйлгүй, сайрхаж, мэдэгдэл хийсэн нь иргэдийн “амны бай” болоход нөлөөлсөн гэнэ.

Харин “Токио-2020” олимпын наадмыг зохион байгуулах хорооноос түүний энэ үйлдлийг хүлээн зөвшөөрөхгүй гэж мэдэгдээд байсан билээ. Улмаар зуны олимпын наадмын хөгжмийн найруулагч Кэйго Оямада уучлалт гуйгаад, ажлаа хүлээлгэн өгсөн байна. Албаныхны мэдээлж байгаагаар “Кэйго Оямадагийн уучлалт гуйсныг нь харгалзан үзэж ажлыг нь үргэлжлүүлэхээр шийдтэл сайрхаж, мэдэгдэл хийсэн тул ажлаас нь чөлөөллөө” гэжээ.

Эх сурвалж: BBC