Дорнод аймгийн Хэрлэн сумын ИТХ-ын төлөөлөгч н.Дагвасүрэн согтуугаар тээврийн хэрэгсэл жолоодож, хүн дайрсан зам тээврийн ноцтой осол гаргажээ. Түүний хүн дайрсан бичлэг цахим сүлжээнд цацагдаад байна.

         Энэ талаар эх сурвалжаас тодруулахад “Өнгөрсөн намар болсон осол. н.Дагвасүрэн төлөөлөгч төлөөлөгчийн ажлаа хүлээлгэж өгөөгүй байгаа. Өчигдөр Хэрлэн сумын ИТХ-ын төлөөлөгч нарын хурал болсон. Уг хуралд төлөөлөгч н.Дагвасүрэн суусан. Осол гаргачихаад хариуцлага хүлээх нь бүү хэл жолооны эрхээ ч хасуулаагүй юм шиг байна лээ. Машинаа унаад явж байсан. МАН-ын гишүүн болохоор тийм эрх, дархтай байдаг юм байлгүй дээ” гэлээ.

Харин бид төлөөлөгч н.Дагвасүрэнтэй холбогдож, энэ талаар тодруулах гэсэн боловч утсаа аваагүй юм.