Дугуйн Үндэсний шигшээ багийн тамирчин, "Алдар" спорт хорооны тамирчин, “Burgos Burpellet BH” багийн тамирчин ОУХМ С.Жамбалжамц "TOUR DE FLANDERS world tour" тэмцээнд оролцож байна.

   “Tour of Flanders” арав дахь удаагийн тэмцээн (Нидерландаар Ronde van Vlaanderen) нь уламжлал ёсоор дөрөвдүгээр сарын эхний ням гарагт, энэ жил дөрөвдүгээр сарын 5-ны өдөр эхэллээ. Энэхүү чулуун зам, богино огцом өгсүүрүүдээрээ алдартай “Spring Classic” нь хаврын улирлын таван “Monument” уралдааны хоёр дахь нь бөгөөд Milan-San Remo-ын дараа ордог.

   “Ronde” хэмээн Бельгид нэрлэдэг энэ уралдаан анх 1919 онд зохион байгуулагдсан. Нийт 270 км зам туулах бөгөөд 10 гаруй ангилалтай өгсүүртэй уралдаан юм.