Прокурорын байгууллага найм хоногийн хугацаанд 301 хэрэгт яллах дүгнэлт үйлдэн шүүхэд шилжүүлж шийдвэрлэжээ. Тодруулбал, Эрүүл мэндийн халдашгүй байдлын эсрэг 155, Өмчлөх эрхийн эсрэг 73, Хөдөлгөөний аюулгүй байдал, тээврийн хэрэгслийн ашиглалтын журмын эсрэг 45, Хүний бэлгийн эрх чөлөө, халдашгүй байдлын эсрэг долоо, Хүрээлэн байгаа орчны эсрэгзургаа, Авлига, албан тушаалын тав, Хүний амьд явах эрхийн эсрэг хоёр, Мансууруулах эм, сэтгэцэд нөлөөт бодисыг хууль бусаар ашиглах нэг хэргийг шүүхэд шилжүүлсэн байна. 

     Яллах дүгнэлт үйлдэн шүүхэд шилжүүлсэн хэргээс дурдвал БНХАУ-ын иргэн В.Б нь мөрдөн шалгах ажиллагааны явцад өөртөө давуу байдал бий болгох зорилгоор мөрдөгчид албан тушаалын байдалтай нь холбогдуулан хахууль өгөхийг завдсан гэх хэрэгт Эрүүгийн хуулийн 22.5 дугаар зүйлийн 1 /Хахууль өгөх/-т зааснаар яллах дүгнэлт үйлдэн Хан-Уул дүүргийн эрүүгийн хэргийн анхан шатны шүүхэд шилжүүлжээ.