ТҮК-ийн ажилтнууд Сүхбаатарын талбайг мөлхөж, гараараа угааж байна. Уг үйл явдлыг иргэд шүүмжилж, Хотын ерөнхий менежер зөвтгөв. Иргэдийн зүгээс “21 дүгээр зуунд төв талбайгаа хувинтай устай, мөлхөж, гараараа угаадаг улс манайхаас өөр байхгүй. Өндөр даралттай усаар шүршиж угаах техник хэрэгсэл алга уу” зэргээр бухимдаж байгаа юм.

Тэгвэл бид энэ талаар Хот тохижилтын газрын дарга Б.Мөнхцэцэгээс тодруулахад “Өмнөх жилүүдэд ч гараараа угаасаар ирсэн. Шаардлагатай тохиолдолд гараараа угаахаас өөр арга байхгүй. Шагнал авсан хүмүүс сүү дусаах, худалдаа үйлчилгээ эрхэлж байгаа хүмүүс тос асгах нь гүн толбо үлдээдэг. Гэхдээ байнга гараараа угаагаад байхгүй шүү дээ. Хот тохижилтын газарт том шүүртэй, зам талбай угаах гурван машин байгаа. Бусдыг нь дүүргүүдэд хуваарилж өгсөн. Байгаа гурван машинаараа л өөрсдөд оногдсон зай талбайгаа цэвэрлэдэг. ТҮК-ийн ажилтнуудын цалин өнгөрсөн зургадугаар сарын 1-нээс 3.5 сая төгрөг болсон. Мөн манайд 14 тэрбумын төгрөгийн хөрөнгө оруулалт хийж байгаа. Өчигдөр угаадаг машин хоёр буусан гэсэн. Бусад орон гараараа угаадаг эсэхийг мэдэхгүй. Цаашид техник хэрэгсэл боловсронгуй болж гарах байх” гэв.