Нийслэлийн хот тохижилтын газрын 160 гаруй ажилтан үндэслэлгүйгээр ажлаасаа халагдсан гэх мэдээлэл цацагдаад байгаа. Тодруулбал, тус газрын дарга Б.Мөнхцэцэг нь эрх мэдэл, албан тушаалын байдлаа урвуулан ашиглаж, ТҮК-ийн ажилтнуудыг ажлаас нь чөлөөлсөн гэх. Түүний уг шийдвэрээс болж 100 гаруй ажилтан ажил болж, хоосон хонох дээрээ тулсан гэнэ.

        Энэ талаар Нийслэлийн хот тохижилтын газрын дарга Б.Мөнхцэцэгээс тодрууллаа. Тэрбээр “Би ажлаа аваад хоёр жил болж байна. Манай Хот тохижилтын газар 300 гаруй цэгийн ажилтантай. Би эрх мэдэл, албан тушаалын байдлаа урвуулан ашиглаж, хэнийг ч ажлаас нь чөлөөлөөгүй. Тийм эрх мэдэлтэй ч хүн биш, би. Харин ТҮК-ийн ажилтнууд цалин хангамж муу гэх шалтгаанаар ажлаасаа гарч байна. Мөн гурваас дээш хоногоор хэл чимээгүй, сураггүй алга болсон, ажлын хариуцлага алдсан хүмүүсийг чөлөөлөх албан бичиг хүргүүлсэн. Одоогийн байдлаар 30 гаруй хүн өөрийн хүсэлтээр болон дутагдлаар ажлаасаа чөлөөлөгдөөд байна” гэв.