Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн баяр наадамд зориулсан улс, аймгийн цолтой хүчит 1024 бөхийн барилдааны нэгийн даваа болж байна.

Бөхийн барилдааны үеэр Улсын аварга Мөнхбат “Сүүлийн хоёр жилийн хугацаанд цар тахлаас болж монголчууд наадмаа хийж чадаагүй. Монголын олон түүх давхацсан сайхан наадам болж байна. Тэнгэр хангай, ард түмний сэтгэл санаа сайхан байх шиг байна. Бөх хүний хувьд Ардын хувьсгалын 100 жилээр ид байж барилдана гэдэг том аз завшаан байх. Тийм учраас бэлтгэл сургуулилалт сайн хийсэн байгаа. Ард түмнийхээ итгэлийг алдахгүй сайн барилдана. Монгол түмэн минь дэнж хотойтол сайхан наадаарай” гэв.