Тулгар төрийн 2230, 2231, Их Монгол Улс байгуулагдсаны 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ойн баяр наадамд зориулсан улс, аймгийн цолтой хүчит 1024 бөхийн барилдааны нэгийн даваа болж байна.

        Бөхийн барилдааны үеэр Дархан аварга Г.Өсөхбаяр сэтгэгдлээ илэрхийллээ. Тэрбээр “Сайхан наадацгааж байна уу. Төрт ёсны түүхэн ой давхацсан наадамд монголчууд маань сэтгэл тэнэгэр наадаж байна. Сүүлийн хоёр жилийн хугацаанд цахим наадам болсон учраас энэ жилийн наадмын хүсэн хүлээлээ. Би 30 дахь жилийнхээ наадамд барилдаж байна. Дэлхийд ганцхан, Монгол төрийн дархлаа болсон, эрийн гурван наадам, үндэсний бөх мянга мянган жилийн уламжлал, түүхтэй. Өв соёл, ёс жаягийг шингээсэн уламжлал шүү дээ. Бөхчүүдийнхээ манлай болж, магнайд босож барилдана гэдэг бөх хүний аз завшаан, хувь тохиол гэж ойлгодог” гэв.