Сүүлийн багш нар сурагчдаа зодож, танхайрч байгаа бичлэг цахим сүлжээнд цацагдах болсон. Хамгийн сүүлд гэхэд л  өнгөрсөн амралтын өдрүүдэд сурагчаа зодож буй багшийн бичлэг цахим сүлжээнд цацагдсан билээ. Тодруулбал, Дорнод аймгийн Халхгол сумын ерөнхий боловсролын сургуулийн физикийн багш А нь наймдугаар ангийн сурагчдынхаа толгой, хүзүүн тус газарт нь цохиж байгаа юм. Тэгвэл сурагчаа зодсон багш, сурган хүмүүжүүлэгч нарт хуулийн ямар хариуцлага үүрүүлэх зохицуулалттай талаар нэр бүхий хуульчаас тодрууллаа.

       Тэрбээр “Багш нь сурагчаа зодсон асуудал цагдаагийн байгууллагад бүртгэгдсэн бол хуулийн байгууллагаар шийдэгдэнэ. Хэрэв хүүхэд гэмтэл учирч, эрүүл мэндэд санаатайгаар хохирол учруулсан бол багшид Эрүүгийн хэрэг үүсгэж, шалгана. Мөн хохирлын хэмжээг тогтоолгож, нэхэмжилнэ. Харин хүүхдийн биед гэмтэл учраагүй, эд хөрөнгө нь сүйтгээгүй бол багшийг Зөрчлийн хуулиар торгоно. Өөрөөр хэлбэл, 100 мянган төгрөгөөс дээш мөнгөөр торгоно гэсэн үг. Түүнчлэн тухайн багшид ёс зүйн ямар хариуцлага үүрүүлэхийг багшийн ажиллаж байгаа сургуулийн дотоод журмаар шийднэ” гэлээ.