Норвегд Хөгшчүүлийн асрамжийн газрын өндөр настнууд коронавирусийн вакцин хийлгэснийхээ дараа нас барсан хэд хэдэн тохиолдол бүртгэгдсэн. Харин тус улсын Нийгэм, эрүүл мэндийн газраас “Талийгаачдын хэргийг вакцинтай холбон тайлбарлах нотолгоо байхгүй. Өндөр настнуудад вакцин нөлөөлөөгүй ч байж магадгүй” хэмээжээ.

       Өнгөрсөн арванхоёрдугаар сараас буюу Норвегд вакцин хийж эхэлснээс хойш нийт 33 өндөр настан коронавирусийн эсрэг вакцин тариулснаар нас барсан. Тус улсын Нийгэм, эрүүл мэндийн газрын дарга Камилла Столтенберг вакцины улмаас нас барсан нийт иргэдийн 13 нь өндөр настай, маш хүнд өвчтэй, биеийн байдал нь муу байсныг нотолж байгаа юм.

       Харин Норвегд хэрэглэж буй вакциныг үйлдвэрлэгч “Pfizer” болон “BioNTech” компанийн төлөөлөгч “Хэргийг бүрэн шийдвэрлэхийн тулд Норвегийн эмийн хяналтын агентлагтай бүх талаараа хамтран ажиллах болно” хэмээсэн юм. Одоогоор тус улс 48 мянга гаруй иргэнээ амжилттай вакцинжуулаад байна.