Өнгөрсөн арванхоёрдугаар сард Их Британид анх илэрсэн коронавирусийн шинэ мутацийн халдвар авсан 283 хүн Дани Улсад бүртгэгджээ. Анх хэрхэн вирусийн хувилбар тархах болсон талаар одоог хүртэл тогтоогоогүй байна. VUI202012/01 хэмээн нэрлэсэн уг мутацийг илрүүлж, тогтооход их хугацаа шаарддаг тул коронавирусийн шинэ мэдээлэл хоцорч, очиж байгааг тус улсын эмч нар мэдээлсэн юм.

       Үүнтэй холбогдуулан Дани Улсад зоогийн газар, кино театр, заал, худалдааны төв, шөнийн цэнгээний газруудыг хоёрдугаар сарыг хүртэл хязгаарлажээ. Одоогоор тус улсад 189 мянга гаруй хүн “Ковид-19”-өөр халдварлаж, 1755 нас баралт бүртгэгдээд байгаа юм.