Өнгөрсөн арваннэгдүгээр сард иргэн Б.Мөнхбат нийгмийн сүлжээнд “Энхсаран” сувилалд халдвар, хамгааллын дэглэм зөрчигдсөн талаар мэдээлэл оруулсан. Харин түүнийг “олон нийтэд буруу ташаа мэдээлэл өгсөн” хэмээн зөрчлийн хэрэг үүсгэсэн. Өнөөдөр түүний шүүх хурал болж байна. Тэрбээр “Анх арваннэгдүгээр сард бичлэг оруулсан. Түүний дараа 2021 оны нэгдүгээр сард мэдүүлэг авсан. Түүнээс хойш хэдэн сар өнгөрч байна вэ. Хэрэг шийдвэрлэх хуулийн хугацаа нь дууссан. Гэтэл өнөөдөр шүүх хурал болж байна. Шүүхээс асуухад “коронавирусээс үүдэн шүүх хурал тань хойшилсон” гэсэн. Миний хувьд маш их гомдолтой байна.Өвчлөл дотооддоо алдсан нөхцөл байдлыг шударгаар мэдээлснийхээ төлөө эрүүгийн болон, зөрчлийн хэрэг үүсгэн шалгагдаж байна. Эрүүгийн хэргийн шүүх хурал хоёр хоногийн өмнө болж, яллах дүгнэлт үйлдсэн. Өнөөдөр зөрчлийн хэргийн шүүх хурал болж байна. Нөхцөл байдал ийм л байна. Ард иргэдийг төөрөгдүүлсэн гэж байгаа юм. Надаас сэдэл аваад, төөрөгдсөн иргэд одоогоор алга” гэлээ.