Монгол Улсын Ерөнхий сайд Л.Оюун-Эрдэнэ соёл, үйлдвэрлэлийн салбарын төлөөлөгч нартай уулзаж байна. Тэрбээр "Соёл бол инноваци, боловсрол, шинжлэх ухаан юм. Сүүлийн жилүүдэд маркетинг дээр суурилсан соёл нэлээн давамгайлах болсон. Одоо бид түгээн дэлгэрүүлэх тал дээрээ анхаарах хэрэгтэй байна. Төр, хувийн хэвшил, уран бүтээлчид хамтарсан нэг стратегитай байх ёстой" гэдгийг онцлоод, "Уул уурхайн салбартай дүйцэхүйц хэмжээний орлого оруулдаг, эдийн засгийн нөлөө бүхий салбарыг бий болгохын төлөө хамтран ажиллая" хэмээн уриаллаа. Мөн дэлхийд гаргаж болох соёлын бүх контентийг Засгийн газраас дэмжихээ тэрээр илэрхийлэв.