Онцгой байдлын ерөнхий газарт долдугаар сарын 29-ний өдрийн 23:53 цагт “гэр шатаж байна” гэх дуудлага иржээ. Дуудлагын дагуу нийслэлийн Онцгой байдлын газрын Баянзүрх дүүрэг дэх 35 дугаар ангийн алба хаагчид шуурхай ажиллаж, тухайн үед иргэн Ү-ийн эзэмшлийн таван ханатай гэр, эд зүйлсийн хамт бүрэн шатаж байсныг унтраасан байна. Галын шалтгаан, учирсан хохирлын хэмжээ одоогоор тодорхойгүй байгаа бөгөөд холбогдох байгууллагууд шалгалтын ажиллагаа явуулж байна. Онцгой байдлын байгууллагаас иргэдийг ил гал, цахилгаан хэрэгсэлтэй зөв харьцах, галын аюулгүй байдлыг хангаж ажиллахыг анхааруулж байна.