Улаанбаатар хотод байрлах багийн ажил, гэрийн даалгавар, судалгааны ажилаа хийхэд тохиромжтой, тав тухтай найман газрыг танилцуулж байна.

4450 CAFE

Цагийн хуваарь: 08:30-20:00

Байршил: Спортын төв ордны замын эсрэг талд Интерном номын дэлгүүрийн 2 давхарт

   Өөрийн гэсэн номын сантай тус кафед та хичээл хийхээс гадна амтат кофе хөнгөн зууш идэх боломжтой. Утасгүй интернэттэй ба тусдаа багаараа суухыг хүсвэл төлбөртэй өрөөнд ч орж сууж болно.

LEARNING OFFICE

Цагийн хуваарь: Ажлын өдрүүдэд  08:00-22:00, амралтын өдрүүдэд  09:21 цаг

Байршил: Багшийн дээр гурван замын уулзварын чанх урд талд UBH центр 13 давхар 1314 тоот

    Та энд ганцаараа чихэвч зүүгээд хичээл хийж, ном уншиж болно. Утасгүй интернэт,  цай, ус зэрэг үнэгүй бөгөөд чихэвч, цэнэглэгч, принтерийг ашиглаж болно. Цагийн хязгаарлалтгүй бөгөөд хэдэн цаг суусан ч болдог учир давуу тал өндөртэй. Мөн нэг авсан эрхийн картаа хэдэн сарын зайтай ч хугацаанд ч ашиглаж болох юм.

MIND OFFICE

Цагийн хуваарь: 07:30-22:00

Байршил: Бөхийн өргөөний баруун талд "Эрхэт оффис"-ын найман давхарт 803 тоот 901тоот

   Энэ бол ганцаараа эсвэл анги хамт олноороо хичээл, сургалт зохион байгуулах боломжтой дундын оффис юм.  Хоёр зааланд хуваагддаг бөгөөд найм давхарт 803 тоотод  чимээгүй нам гүн орчинд төвлөрч суухад зориулсан танхим, есөн давхарт 901тоот Багаараа найз нөхдөөрөө хамт сууж хоорондоо ярилцах . Онлайн уулзалт хийх . Ганцаарчилсан сургалт уулзалт зохион байгуулах . Тайлбар тэмдэглэл, төлөвлөгөө боловсруулах зориулалттай самбаруудыг чөлөөтэй ашиглах боломжтой юм.

EARLY BIRD

Цагийн хуваарь: 07:00

Байршил: Хүүхдийн 100, Хаан банкны замын эсрэг талд Сөүл Плаза, долоон давхарт, 704 тоот

    Өглөөний номын сан нь өглөө босож өөрийгөө  хөгжүүлж болох залуучуудад зориулсан ном унших, хичээлээ хийх, шалгалтад бэлдэх зориулалттай МИНИ номын сан юм.Англи, Монгол хэл дээрх хувь хүний хөгжил болон уран зохиолын номоор баялаг бөгөөд IELTS, TOEFL, SAT зэрэг олон улсын англи хэлний шалгалтын сурах бичиг, дасгал ажлын ном олонтой.

INNOVATION HUB

Цагийн хуваарь: Өдөр бүр 06:00-24:00

Байршил: Нийслэлийн Улаанбаатар Чуулгын барилгатай залгаа HUB Инновацын Төв, Бээжингийн гудамж, 8-р хороо, СБД

Та дундын оффисийн гишүүн болсноор долоон төрлийн ажиллах орчноос сонгон, хүрээлэлд нэгдэж, бүтээмжээ нэмэгдүүлэх дараах үнэ цэнүүдийг авах боломжтой. Өндөр хурдны интернэт, гал тогоо, кофе шоп, хувийн шүүгээ, локер, принтер, самбар, зурагт, эвент арга хэмжээнд оролцох, хүссэн коммьюнитид нэгдэх, уулзалтын өрөөг ашиглах боломжтой.

EMMAUS CAFE

Цагийн хуваарь: 08:00-20:00

Байршил: Төв номын сангийн хажууд CU-тэй барилгын 2 давхарт

Цэлгэр уужим талбайтай. Үндсэн заал ба VIP өрөөтэй. Заал нь 50 хүний VIP өрөө нь 12 хүний суудалтай аж. Цаг үе, улирлын онцлогоос шалтгаалж цэсээ тогтмол шинэчилж байдаг бөгөөд зөвхөн Emmaus-д л гардаг бүтээгдэхүүнүүд цөөнгүй. Захиалгаа өгөөд хэдэн ч цаг суух боломжтой. Өндөр хурдны интернеттэй ба ширээ хоорондын зай их, нам гүм газар.

LOTUS COFFEE HOUSE

Цагийн хуваарь: 06:00-20:00

Байршил: Бага тойруу, Чингэлтэй дүүрэг, 5-р сургуулийн хажууд

Тус кафе нь өглөө бүр 06:00 цагт нээдэг. Нийт 35 хүний суудалтай ба сурагчид хичээлээ хийхдээ самбар ашиглах боломжтой. Үндэсний хэв маягийг агуулсан, бүх насны хүмүүст зориулсан дотоод засалтай.

STUDYROOM

Цагийн хуваарь: Даваа-Баасан 09:21цаг, Бямба,ням 09:20цаг

Байршил: Багшийн дээд UBH center 14давхар 1407тоот, 13давхарт 1314тоот

Бүх насныханд зориулсан, тохилог тав тухтай чимээгүй орчинд ганцаараа төвлөрч болох орон зай.