Баянхонгор аймгийн хоёр иргэн гэртээ угаартаж, осгосон байдалтай байсныг тус сумын цагдаагийн хэсгийн алба хаагчид илрүүлж, амь насыг нь аварсан байна.

Тодруулбал, Баянговь сумын V дугаар багт оршин суух иргэн 58 настай, эмэгтэй “А”, охин 17 настай “Х” нар нь энэ сарын 12 буюу өнөөдөр 13:00 цагийн үед гэртээ угаартаж, осгосон байдалтай ухаангүй, үе мөч нь хөшсөн байсныг тус сумын хэсгийн төлөөлөгч, цагдаагийн дэслэгч Г.Оргилболд, хэсгийн цагдаа, цагдаагийн ахлах ахлагч Д.Балжинням нар олж, анхан шатны тусламж үзүүлэн, сумын Эрүүл мэндийн төвд хүлээлгэн өгсөн аж.