Сүхбаатар аймгийн Эрдэнэцагаан сумын Билүүт багийн Задгай хэмээх газар тогтоол усанд өсвөр насны хоёр хүүхэд живж, нас баржээ. Онцгой байдлын аврагчид өчигдөр 14:55 цагт дуудлага хүлээн авсан байна. Тус аймгийн Онцгой байдлын газрын Эрдэнэцагаан сум дахь Гал түймэр унтраах, аврах 47 дугаар ангийн алба хаагчдыг очиход Х 11 настай эрэгтэй, Ж 11 настай эрэгтэй нар 20 метрийн урт, таван метр өргөн, хоёр метрийн гүнтэй тогтоол усанд живж нас баржээ.

    Эцэг эхчүүд та бүхэн хүүхдүүдээ байнга анхаарал тавьж, тогтоол ус, гол руу орохгүй байхыг анхааруулна уу.