22-ын товчооны цаана гацсан Архангай аймгийн иргэдийг 17:00 цагийн үеэс тав таваар нь оруулж эхэллээ. Тодруулбал, Архангай Улаанбаатар чиглэлийн тусгай үүргийн тээвэрлэлт хийж байсан автобус болон хувийн унаатайгаа зорчиж буй 100 гаруй иргэн тус товчооны цаана гацаад байгаа. Учир нь, Архангай аймагт коронавирусийн халдвар илэрсэн учир пи си ар шинжилгээний хариунд үндэслэн товчоодоор нэвтрүүлэх аж. Тэгвэл тус аймагт пи си ар шинжилгээ авах боломжгүй учир иргэдээс түргэвчилсэн оношлуураар шинжилгээ авч, зорчих хөдөлгөөн хийхийг зөвшөөрсөн байна.

Албан бус эх сурвалжийн мэдээлж буйгаар гацсан иргэдйин дунд нэг настай хүүхдийн бие нэлээд сульдаж, эмнэлгийн тусламж авахаас аргагүйд хүрч байгаа аж

Тэнд шинжилгээний бичиггүйн улмаас гацаад байсан иргэдийн дунд тус аймгийн Хайрхан сумаас Улаанбаатарыг зорьж тусгай үүргийн нийтийн тээвэрт зорчиж явсан иргэдийн дунд бага насны хүүхэдтэй эцэг эх, өндөр настан, нэг сар гаруйхантай нярай хүртэл байгаа юм. Хайрхан сумаас Улаанбаатар орох замд цайны газар байхгүй, зорчигчид замдаа цайлаагүй гэдгийг тус нийтийн тээврийн жолооч хэлсэн.

Түүнчлэн хувийн унаагаар зорчиж явсан зургаан иргэний нэг болох 58 настай эмэгтэй О-гийн бие муудаж түргэний эмчээс анхан шатны тусламж авах үеэрээ амь насаа алдсан харамсалтай явдал гараад байна. Мөн УОК-оос 0-12 настай хүүхдээс коронавирусийн шинжилгээ авахгүй гэж мэдэгдсэн. Гэтэл голомттой бүс нутаг гэх үүднээс ой гаруй настай хүүхдээс залгиур хоолойн шинжилгээ авсан байна. Албан бус эх сурвалжийн мэдээлж буйгаар гацсан иргэдйин дунд нэг настай хүүхдийн бие нэлээд сульдаж, эмнэлгийн тусламж авахаас аргагүйд хүрч байгаа аж.