Монгол Улсын Зэвсэгт хүчнээс Исламын Бүгд Найрамдах Афганистан Улсад болсон "Тогтвортой эрх чөлөө", "Шийдвэртэй дэмжлэг" олон улсын ажиллагаанд АНУ-тай хамтран үүрэг гүйцэтгэсэн цэргийн багуудын туршлага, сургамж" сэдэвт хэлэлцүүлэг өчигдөр Зэвсэгт хүчний 350 дугаар ангид зохион байгуулжээ.

           Тус уулзалт, хэлэлцүүлэгт нийт 22 ээлжийн цэргийн багийн удирдлага, бие бүрэлдэхүүний төлөөлөл оролцож, үүрэг гүйцэтгэж байх хугацааны талаарх туршлага сургамжаа хэлэлцэв.

Тус хэлэлцүүлэг цаашид Зэвсэгт хүчний 150, 120, 303, 032, 084, 027, 310, 311 дүгээр ангиуд болон Зэвсэгт хүчний 016 дугаар нэгтгэлийн байрлалд ирэх дөрөвдүгээр сар хүртэл үргэлжлэх юм. Эдгээр хэлэлцүүлэг нь сонгон шалгаруулалт, ажиллагааны өмнөх бэлтгэлийн онцлог, үүрэг гүйцэтгэсэн бие бүрэлдэхүүний судалгаа, ар тал, техникийн хангалтын байдал, сэтгэл зүйн бэлтгэлжилт, ажиллагаанд тулгарч байсан хүндрэл бэрхшээл, тэдгээрийг даван туулсан туршлага зэрэг сэдвийн хүрээнд өрнөж байгаа юм.