Монгол Улсын Ерөнхийлөгч У.Хүрэлсүх өнөөдөр төрийн дээд одон, медаль гардууллаа. Энэ үеэр зохиолч, сэтгүүлч Б.Сарантуяа Соёлын Гавьяат Зүтгэлтэн цол хүртлээ.

 Тэрбээр “Нүүдэлчдийн төрт ёсны гайхамшгийг дэлхийн дайдад түгээж, дэлхийг байлдан дагуулж явсан Монголчуудын түүхээс өчүүхнийг хөвөрдөн өнөөгийн уншигч олондоо хүргэсэн маань Монгол төрийн гэгээн мэлмийд багтаасан байх. Монголчуудын энэхүү түүх цаг хугацааны уртад мартагдан замхарч, бүдгэрч, зарим нэг газар оронд мартагдаж байсан гашуун түүх бий. Харин өнөөдөр үнэн түүхийнхээ эрэлд гарсан Монголчууд өвөг дээдсээрээ бахархан сэрсэн сайхан цаг үе ирлээ. Мөнх хөх тэнгэр, миний өвөг дээдэс, удам судар, Өврийн сайхан хангай нутгийн Авзага хайрхан маань баясаж суугаа байх гэж бодож байна. Өндөр төрийнхөө хайр эвээлд, өргөн олон уншигч түмэндээ баярлалаа” хэмээн баярын сэтгэгдлээ хуваалцлаа.