Засгийн газрын өнөөдрийн ээлжит хуралдаанаар Мал эмнэлгийн газрын дарга Б.Ганзоригийг ажлын хариуцлага алдсан шалтгаанаар ажлаас чөлөөлсөн байна. Монгол Улсын хэмжээнд энэ сарын 11-ний байдлаар 14 аймгийн 97 суманд шүлхий өвчин бүртгэгдээд байгаа аж. Мөн шүлхий өвчнөөр улсын хэмжээнд 100 гаруй мянган мал өвчилж байжээ. Мал эмнэлгийн ерөнхий газар нь мал, амьтны өвчнөөс урьдчилан сэргийлэх, тэмцэх, эрүүлжүүлэх бодлогыг оновчтой төлөвлөж, улсын хэмжээнд нэгдсэн удирдлагаар хангаж хэрэгжилтийг зохион байгуулах үүрэгтэй. Гэсэн ч шүлхий өвчний тархалт өнгөрөгч арванхоёрдугаар сараас нэмэгдэж, Монгол Улсын 90 гаруй суманд өвчин дэгдээд буй юм. Үүнтэй холбогдуулан Мал эмнэлгийн ерөнхий газрын дарга Б.Ганзоригийг ажлын хариуцлага алдсан хэмээн үзэж үүрэгт ажлаас нь чөлөөлжээ.