Цар тахлын үеэр халдвар хамгааллын дэглэм зөрчсөн "Zaisan hill"-д зөрчлийн хэрэг үүсгэн шалгаж байна гэж НЗДТГ-ын хэвлэлийн төлөөлөгч мэдээллээ. Учир нь "Zaisan hill хариуцлагын гэрээ байгуулаагүй. НОК-оос "Камертон" хамтлагийн тоглолтыг ямар нэг байдлаар дэмжиж, зөвшөөрөөгүй гэсэн үг. Хоёрдугаарт, танхим дүүргэлт 50 хувь хэтэрсэн, гуравдугаарт, халдвар хамгааллын дэглэм сахих боломжгүй нөхцөлийг бий болгожээ. Цагдаа, мэргэжлийн хяналтын баг тус мэдээллийг өгч, Зөрчлийн хэрэг үүсгэн шалгаж байгаа” гэв.