Маршалын гүүрнээс Улиастайн гүүр хүртэл 7.2 км урт дугуйн замын ажлын гүйцэтгэгч компани болох “Алтай Рөүд”-ийн захирал Д.Ганзориг тус замыг ирэх долдугаар сард ашиглалтад оруулах талаар мэдээллээ.

Тэрбээр “Туул гол дагуух үерийн усны даланг ашиглан, дугуйн зам тавьж байгаа. 50 метр орчим газарт шороо сольж, хөрс нягтаршуулж байна. Хүлээлгэж өгсөн ажлыг эвдэж, дахин хөрөнгө гаргаагүй. Одоогоор хоёрдугаар ээлжийн ажил буюу амралтын цэг, нийтийн бие засах газар, камер, замын гэрэлтүүлэг хийж, гэрээт хугацаанд буюу долдугаар сарын 5-нд хүлээлгэж өгөхөөр ажиллаж байна. Хуулж байгаа хэсэгт бага зэргийн суулт өгсөн нь цаашид эвдрэх магадлалтай тул гүйцэтгэх компани шийдвэр гаргаж, засаж байна” гэлээ.