“ПАРИС-2024” олимпын их наадмын чөлөөт бөхийн  эрэгтэйчүүдийн 125 кг-ын барилдаан өнөөдөр эхэлнэ.  Тус жинд МУГТ  М.Лхагвагэрэл эхний тойрогт ДАШТ-ий хүрэл медальт, Пан Америкийн наадмын аварга, Пан Америкийн аварга АНУ-ын тамирчин Пэрриштэй барилдана.  Хэрэв түүнийг ялж чадах юм бол дараа нь Азербайжан, Египетийн  бөхчүүдийн аль хожсонтой нь таарна.

     М.Лхагвагэрэл эхний хоёр тойргийн өрсөлдөгчдөө ялвал Гүржийн алдарт бөх Гено Петрашвилитай таарах магадлал өндөр байгаа. Туркийн домогт аварга, олимпын алт, хүрэл, ДАШТ-ий гурван алт, хоёр мөнгө, гурван хүрэл медальт Таха Акгүл болон олимпын хүрэл, ДАШТ-ий хошой аварга Ираны бөх Заре нар нөгөө хэсэгт хуваарилагджээ. Тус жингийн барилдаан өнөөдөр Улаанбаатарын цагаар 17:00 цагт эхэлнэ.