Чөлөөт бөхийн дэлхийн аварга шалгаруулах тэмцээний мөнгөн медальт, ОУХМ  Б.Хулан өнөөдөр эмэгтэйчүүдийн 53 кг-ын жинд өрсөлдөнө. Түүний эхний өрсөлдөгч нь Нигерийн Кристиана Огусаня байх юм.. Өдгөө 25 настай Б.Хулангийн тухайд энэ жил 2024 онд зургаан барилдаан хийснээс тав ялж, нэг ялагджээ. Харин 22 настай Кристиана Огусаня 11 барилдаан хийснээс ес ялж, хоёр ялагдсан үзүүлэлтэй яваа. Б.Хулан Нигерийн Кристиана Огусаняг ялах юм бол шигшээ наймд Японы Фужинами, АНУ-ын Парриш нарын хэн ялсантай хүч сорино. Өнөөдөр шөнө эмэгтэйчүүдийн 50 кг-ын жингийн медалийн төлөөх шигшээ барилдаанууд болно. МУГТ Д.Отгонжаргал хүрэл медалийн төлөө барилдах юм. Тэрбээр Хятадын Фэн Зичи, Алжирийн Ибтиссем Дуду нарын хэн ялсантай нь барилдана.