“Парис-2024” зуны олимпын наадмын чөлөөт болон сонгомол барилдаан өнөөдөр эхэлнэ. Сонгомолын 60,130 кг, бөхийн чөлөөт барилдааны эмэгтэйчүүдийн 68 кг-д дэлхийн шилдгүүд өрсөлдөнө. Манай улсын чөлөөт бөхийн тамирчдаас  “Белград-2023” дэлхийн аварга шалгаруулах тэмцээний мөнгөн медальт, Ази тивийн мөнгө, хүрэл медальт, ЦЕГ-ын “Хүч” спорт хороо, Үндэсний шигшээ багийн тамирчин, ОУХМ Энхсайханы Дэлгэрмаа түрүүлж барилдах юм. Манай бөх эхний даваанд олимпын хүрэл, дэлхийн аваргын алтан медальт Киргизстаны Мээрим Жаманзароватай учраа таарсан байгаа. Ялбал Япон, Венесуэлийн бөхчүүдийн ялсантай барилдана.