Энэ өдөр "Мон Алтиус" биеийн тамирын дээд сургуулийн оюутан, Үндэсний шигшээ баг "G-Mobile" компани. “Аврагч” спорт хорооны тамирчин, жүдо бөхийн ОУХМ Одгэрэлийн Уранбаяр мэндэлжээ. Тэрбээр 2013 оноос хойш жүдо бөхийн спортоор хичээллэж байгаа. Анх Хэнтий аймгийн Бор-Өндөр сумын “Боржигон” дэвжээнд Ц. Ганхүү Д. Амгаланбаатар гэх хоёр багш дээрээ бэлтгэл сургуулилалтаа хийж эхэлсэн байдаг.

         ОУХМ О.Уранбаяр “Бага дэлхийн аварга” хэмээгддэг Парисын гран слам тэмцээнээс 2023 онд хүрэл медаль хүртэж байв. “Парис 2023” их дуулгын дагах тойргийн барилдаанд Молдавын Петр Пеливан, Өмнөд Солонгосын Кан Хеон Чеол нарын шилдгүүдийг ялж,  хүрэл медалийн төлөөх барилдаанд Францын Ханс Жоррис Ахибог цэвэр ялж хүрэл медаль хүртсэн. Харин Хятадын Чендү хотод болсон дэлхийн оюутны спортын 31 дэх удаагийн "Универсиад" наадамд Энэтхэг, Казахстан Улсын бөхчүүдийг ялж хүрэл медаль хүртсэн юм. Уран барилдаантай, “Төмөр” хэмээх О.Уранбаярыг  ирэх 2024-2028 олимпын цикльд их ирээдүй хүлээж байгаа.