Монголын ширэн бээлийтнүүд 1972 оны Мюнхены олимпоос хойш зуны олимпын наадамд оролцож эхэлсэн түүхтэй. Харин 1984 оны Лос Анжелесийн олимпыг социалист лагерын орнууд бойкотолсны улмаас өнжиж байсныг эс тооцвол өнгөрсөн Токиогийн олимп хүртэл эрэгтэй боксчдын маань буухиа тасраагүй байсан юм. Энэ удаагийн Парисын олимпын наадмаар энэхүү түүхэн цуврал зогсож байна. Эрэгтэй боксчдоос Азийн наадамд түрүүлж олимпын эрхээ аваад байсан ганц боксчин болоx Б.Чинзориг маань допингийн асуудлын улмаас олимпод оролцох боломжгүй болсон билээ. Ингээд 1972 оноос хойш Монголын ширэн бээлийтнүүдийн олимпын наадмыг буухиаг танилцуулья..

”Мюнхен 1972”  - есөн боксчин

”Монреаль 1976” – зургаан боксчин

Москва 1980” – долоон боксчин

”Сөүл 1988” - долоон боксчин (Н.Энхбат хүрэл медаль хүртсэн)

Барселон 1992” - зургаан боксчин (Н.Баярсайхан хүрэл медаль)

”Атланта 1996” – гурван боксчин

”Сидней 2000” – нэг боксчин

”Афин 2004” - гурван боксчин

”Бээжин 2008” – дөрвөн боксчин (Э.Бадар-Ууган алт, П.Сэрдамба мөнгөн медаль)

”Лондон 2012” – дөрвөн боксчин (Н.Төгсцогт мөнгө, У.Мөнх-Эрдэнэ хүрэл медаль)

”Рио 2016” – зургаан боксчин (Д.Отгондалай хүрэл медаль)

”Токио 2020” - гурван боксчин ( хоёр эрэгтэй, нэг эмэгтэй)

“Парис 2024” – хоёр эмэгтэй боксчин (50 кг-ын жинд О.Есүгэн, 54 кг-ын жинд М.Энхжаргал нар) эрхээ аваад байна.