Сагсан бөмбөгийн 3х3 төрлийн насанд хүрэгчдийн Азийн аварга шалгаруулах тэмцээн  Сингапур Улсад боллоо. Тус тэмцээнээс Монгол Улсын эрэгтэй, эмэгтэй баг анх удаа хос хүрэл медаль хүртэж, бахархам амжилт үзүүллээ. Энэ удаагийн тэмцээнд эрэгтэй 23, эмэгтэй 20 улсын шигшээ багууд өрсөлдсөн юм. Ингээд түүхэн амжилт үзүүлсэн Монгол Улсын 3х3 сагсан бөмбөгийн эмэгтэй шигшээ багийн гишүүдийг танилцуулж байна.

"FIBA 3x3 Asian Cup 2024" тэмцээнд оролцсон Монгол Улсын шигээ багийн бүрэлдэхүүн

1 М.Цэрэнлхам

5 Б.Ариунцэцэг

9 Ө.Индра

13 О.Хулан

О.Хулан

             “Тэрбээр 1999 оны долдугаар сарын 27-нд төрсөн. "Токио-2020" олимпын наадмын тугчаар сонгогдож байсан тэрбээр тухайн жилдээ багийнхаа хамгийн залуу тамирчин байжээ. 180 см өндөртэй бөгөөд МУИС-ийг санхүү, менежментийн чиглэлээр төгссөн. Тэрбээр сагсан бөмбөгийн “Ulaanbaatar Amazons” багийн тамирчин. О.Хулан Монгол Улсын шигээ багийн тамирчин О.Энхбаатарын дүү юм.

Түүний инстаграм хаяг: _khulan

М.Цэрэнлхам

             М.Цэрэнлхам 1996 оны гуравдугаар сарын 14-нд Баянхонгор аймагт мэндэлжээ. Улсын аварга шалгаруулах тэмцээн түүний  оролцсон анхны сагсан бөмбөгийн тэмцээн байжээ. Оюутан байхдаа ШУТИС-ийн волейбол, сагсан бөмбөг, гандболын шигшээ багт тоглодог байсан. Тэрбээр гандболын улсын шигшээ багийн тамирчин байжээ. Тэрбээр “Ulaanbaatar Amazons” багийн ахлагч билээ.

Түүний инстаграм хаяг: lhamka0313

Ө.Индра

             “Хасын Хүлэгүүд”  багийн тамирчин Ө.Индра 2001 онд Улаанбаатар хотод төрсөн. Тавдугаар ангиасаа сагсан бөмбөгөөр хичээллэж эхэлсэн. “Этүгэн” их сургуульд банк санхүүгээр сурсан. 168 см өндөртэй хувийн  номер 9. Индра нь сагсан бөмбөгийн нийслэлийн аварга болж тухайн тэмцээнийхээ үнэ цэнтэй тоглогч “MVP”-ээр шалгарч, Орос явах эрхээр шагнуулж байсан. Өсвөрийн улсын аваргын дэд байрны эзэн, үнэ цэнтэй тоглогч. 2018, 2019 оны Оюутны лигийн аварга, улирлын MVP, финалын MVP, 2020 оны оюутны лигийн дэд байрын эзэн, 2021, 2022 оны оюутны лигийн мөнгөн медальт тамирчин. Оюутны лигийн үеэр 34 минутад 92 оноо авсан гайхалтай  амжилтын эзэн.

Түүний инстаграм хаяг: indr9_11_

Б.Ариунцэцэг

               "FIBA 3x3 Asian Cup 2024" тэмцээний шилдэг эмэгтэй гарааны бүрэлдэхүүнд багтсан Б.Ариунцэцэг. Тэрбээр “Ulaanbaatar Amazons” багийн тамирчин бөгөөд 2001 оны нэгдүгээр сарын 17-нд Сэлэнгэ аймагт төрсөн. Отгонтэнгэр их сургуулийг эрх зүйчээр төгссөн. “Ханжоу 2022” Азийн наадмын Монголын багийн тугчаар сонгогдсон. ОУХМ Б.Ариунцэцэг “FISU 3x3” 2022 оюутны дэлхийн аварга шалгаруулах тэмцээний хүрэл, “FIBA 3x3” 2018 залуучуудын ДАШТ-ий тавдугаар байр, “FIBA 3x3”   national league 2019 тэмцээний Ази Африк бүсийн аварга юм.

Түүний инстаграм хаяг: ariukaa_____5