Монголын дугуйн үндэсний шигшээ баг, “Алдар” спорт хороо, Испани Улсын мэргэжлийн дугуйн "Burgos BH" багийн тамирчин ОУХМ С.Жамбалжамц Арабын нэгдсэн Эмират Улсад нэгдүгээр сарын 26-31-ний өдрүүдэд зохион байгуулагдаж буй “Tour of Sharjah /UCI2.2/” ангиллын тэмцээнд таван тивийн 27 багийн 162 дугуйчидтай өрсөлдөж байна.

           ОУХМ С.Жамбалжамц одоогоор дөрвөн гарааны нийлбэр цагаар тэргүүлэгчээс +1'32" алдагдалтай тавдугаар байрт эрэмбэлэгдэж байна. Өнөөдөр буюу нэгдүгээр сарын 31-ний өдөр тэмцээний сүүлийн гараа талын 94 км замыг туулж дүнгээ гаргана.

           Мөн Монголын дугуйн үндэсний шигшээ баг, “Алдар” спорт хороо,Тайланд Улсын мэргэжлийн дугуйн "ROOJAI INSURANCE" багийн тамирчин ОУХМ Б.Тэгшбаяр Саудын Арабын Улсад энэ сарын 30 -аас 2-р сарын 3-ны өдрүүдэд зохион байгуулагдах “Tour of Alula /UCI 2.1/” ангиллын тэмцээнээр энэ оны эхний гараадаа гарч байна.

         Уг тэмцээнд “UCI WorldTour 9”, “UCI ProTour 5”, “UCI Continental 3”, “National team 1”, ангиллын нийт 18 багийн 121 дугуйчид таван гараанд гарч нийт 812.5 км замыг туулж дүнгээ гаргана.