Холбоодын нэгдсэн УАШТ-2024-ийн байт харвааны 16 дахь удаагийн заалны УАШТ "Буянт-Ухаа" спорт ордонд гурван өдөр үргэлжилж өндөрлөлөө. Тэмцээнд 17 байгууллагын 352 тамирчин 24 багц медалийн төлөө өрсөлдсөн юм.

           Хамгийн сүүлд “U-21” болон насанд хүрэгчдийн медальтнууд тодров. Тэмцээний хамгийн сонирхолтой өрсөлдөөн эрэгтэйчүүдийн ганцаарчилсан төрлийн финалд өрнөсөн бөгөөд Азийн наадмын аварга, 2023 оны Монгол Улсын шилдэг тамирчин Б.Отгонболд, улсын аварга Ө.Нэхийт нар үндсэн харваанд 5:5-аар тэнцсэн.

         Улмаар нэмэлт сум харвахад Ө.Нэхийт 10, Б.Отгонболд 9 оносон юм. Ингэснээр Ө.Нэхийт гадаа талбай болон заалны УАШТ-ий зургаа дахь алтан медалиа хүртэж байна.

          Компаундын эмэгтэй ганцаарчилсан төрөлд О.Биндэръяа анхны алтан медалиа авсан бол эрэгтэй ганцаарчилсан төрөлд П.Жамъяангомбо гадаа талбай болон заалны УАШТ-ий найм дахь алтан медалиа хүртсэн юм.

        Үндэсний сурын дархан мэргэн Ш.Даваахүү өөрийн шавь, шинэ рекорд эзэмшигч Л.Отгонбаярын хамтаар багийн тэмцээнээс мөнгөн медаль авсан нь УАШТ-ий онцлох мөчийн нэг байв. Багийн дүнгээр "Хангардь" клуб 64 оноогоор тэргүүлж, "Алдар" спорт хороо, "Ирээдүйн-Одод" клуб удааллаа.

УАШТ-ий дүн

“U-21” нас

Эрэгтэй ганцаарчилсан:

1.Б.Буянтүшиг (Алдар спорт хороо)

2.Б.Мөнхбаясгалан (Хангарди клуб)

3.Б.Буянжаргал (Ирээдүйн одод клуб)

Эмэгтэй ганцаарчилсан:

1.Ө.Халиун (Ирээдүйн одод клуб)

2.З.Хулан (Алдар спорт хороо)

3.С.Эмүжин (Алдар спорт хороо)

Эрэгтэй баг:

1.”Имарт-Галт сум” клуб

2.”Алдар” спорт хороо

3.”Ирээдүйн одод” клуб

Эмэгтэй баг:

1.”Алдар” спорт хороо

2.”Ирээдүйн одод” клуб

3.”Имарт-Галт сум” клуб

Насанд хүрэгчид

Эрэгтэй ганцаарчилсан:

1.Ө.Нэхийт (Алдар спорт хороо)

2.Б.Отгонболд (Алдар спорт хороо)

3.Д.Билитко (Плехановын сургууль)

Эрэгтэй баг:

1.”Алдар” спорт хороо

2.”Нийслэл өргөө” клуб

3.”Добу мэргэн” клуб

Эмэгтэй ганцаарчилсан:

1.Б.Буд-Алтай (Зэвт хасар клуб)

2.М.Гэгээн (Имарт-Галт сум клуб)

3.А.Энхтуяа (Хангардь клуб)

Эмэгтэй баг:

1.”Алдар” спорт хороо

2.”Хангардь” клуб

3.”Цацралт” клуб

Компаунд-Эрэгтэй ганцаарчилсан:

1.П.Жамъянгомбо (ХасБанк Тэнгэр харваач)

2.Л.Отгонбаяр (Хангардь клуб)

3.Г.Ган-Эрдэнэ (Компаунд зөвлөл)

Компаунд-Эмэгтэй ганцаарчилсан:

1.О.Биндэръяа (Зэвт хасар клуб)

2.Б.Батдулам (ХасБанк Тэнгэр харваач)

3.Д.Отгонбаяр (ХасБанк Тэнгэр харваач)

Компаунд-Баг:

1.”Зэвт хасар” клуб

2.”Хангардь” клуб

3.”ХасБанк Тэнгэр харваач”

Багийн дүн:

1.”Хангардь” клуб 64 оноо

2.”Алдар” спорт хороо 56 оноо

3.”Ирээдүйн одод” клуб 41