Сэлэнгэ аймгийн "Ургацын баяр-2023" арга хэмжээнд зориулсан улс, аймгийн алдар цолтой 64 бөхийн барилдаан Сэлэнгэ аймгийн БТСГ-т 2024 оны нэгдүгээр сарын 25-ны өдөр зохион байгуулагдлаа. Тус барилдаанд Сэлэнгэ аймгийн Мандал сумын харьяат "Увс нуур" бөхийн дэвжээ, “Сүлд” спорт хороо, "Блю Драгон" ХХК, Зорчигч тээврийн нэгдэл клуб, "Монзол" ХХК-ны бөх улсын заан Нэгдэлийн Жаргалбаяр түрүүллээ.

           Завхан аймгийн Баянтэс сумын харьяат "Даян" бөхийн дэвжээ, “Алдар” спорт хороо "ХЦ-034" анги, "Мөнхөд Ашидын зам" ХХК, "Нэгдэл" клубийн бөх улсын харцага Шархүүгийн Пүрэвгарьд үзүүрлэв.

          Увс аймгийн Улаангом сумын харьяат БХИС-ийн бөх улсын гарьд Өлзийтогтох Бат-Орших, Хэнтий аймгийн Батширээт сумын харьяат "Хан Хэнтийн аварга" дэвжээ, “Хилчин” спорт хороо ХЦ-0208 анги, “ЭБЭГ” ХХК-ий бөх улсын харцага Г.Бадрах нар шөвгөрлөө.

             Харин өсвөрийн 64 бөхийн барилдаан зохион байгуулагдаж Сэлэнгэ аймгийн Сүхбаатар сумын харьяат Пүрэвсүрэнгийн Мөнх-Эрдэнэ түрүүлж, Говь-Алтай аймгийн Жаргалан сумын харьяат Бат-Өлзийн Ганбаатар үзүүрлэж, Дархан-Уул аймгийн Дархан сумын харьяат Алтанхуягийн Сумъяабазар, Сэлэнгэ аймгийн Орхонтуул сумын харьяат Батсайханы Занданбат нар шөвгөрлөө.