Жүдо бөхийн 2024 оны  эхний тэмцээн Португалийн гран при тэмцээн эхэллээ. Энэ удаагийн тэмцээнд 90 орны эрэгтэй 344, эмэгтэй 280, нийт 624 тамирчин барилдана. Манай улсаас 52, 57, +78, +100 кг-аас бусад жинд бөхчүүд барилдах юм.

       Эрэгтэйчүүдийн 60 кг-ын жинд 54 бөх барилдах мэдүүлэг өгсөн байна. Э. Ариунболд “В” хэсгийг толгойлон барилдана. Тэрбээр нэгдүгээр тойрогт гоц, мөргөн ялалт авсан. Энэ жингд Э.Сумъяабазар нэгдүгээр тойргийн барилдаанд Марокогийн Younes Saddiki-тай таарсан.

       Ё.Басхүү 66 кг-ын “А” хэсгийг толгойлон барилдах юм. Нэгдүгээр тойрогт гоц мөргөн, хийлж ялалт авсан байгаа. Б.Эрхэмбаяр “С” хэсгийг толгойлсон. Мөн нэгдүгээр тойрогт хийлж, ялалт авсан. Энэ жинд 51 бөх барилдана.

       Б.Эрдэнэбаяр 73 кг-ын “D” хэсгийн нэгдгээр тойрогт Казахстаны Darkhan Koibagar-тай барилдана. Г.Болор-Очир 81 кг-ын  нэгдүгээр тойрогт Францын Bartiste Pierre-тэй таарсан. Г.Алтанбагана 90 кг-ын “А” хэсгийн нэгдүгээр тойргийн барилдаанд Туркменистаны Mamedaly Acnyldyyev-тэй барилдана. Б.Гончигсүрэн -100 кг-ын “С” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойргийн барилдаанд Бениний Yovo Dossov-тай таарсан.

       Эмэгтэйчүүдийн 48 кг-ын жингийн “С” хэсгийг Г.Наранцэцэг толгойлон барилдана. Тэрбээр нэгдүгээр тойрогт гоц мөргөн ялалт аваад байгаа. Хоёрдугаар тойрогт Израилийн Tamar Malca-тай таарлаа. Харин Б.Баасанхүү “D” хэсгийг толгойлон барилдана. Нэгдүгээр тойрогт гоц мөргөн ялалт авсан. Хоёрдугаар тойрогт Италийн Asia Avanzato, Туркийн Sila Ersin нарын хэн ялсантай барилдана.

        Б.Ганхайч 63 кг-ын “D” хэсгийн нэгдүгээр тойрогт АНУ-ын Hannah Martin-тай таарсан. Түүнийг ялах юм бол хоёрдугаар тойрогт Алжирын Amina Belkadi-тай барилдана. Б.Ням-Эрдэнэ 70 кг-ын “В”  хэсгийн нэгдүгээр тойрогт гоц мөргөн ялалт авсан байгаа. Тэрбээр хоёрдугаар тойрогт Шведийн Ida Eriksson-тай барилдана. Энэ жингийн “С” хэсгийн нэгдүгээр тойрогт С.Лхагвадулам, Узбекистаны Gulnoza Matniyazova-тай таарсан. О.Хүслэн -78 кг-ын жингийн “D” хэсгийн нэгдүгээр тойрогт Францын Chloe Buttigieg-тэй барилдана.