Чөлөөт бөхийн лигийн “Шилдэг тамирчин”-ы шагналыг “U22” насны ангиллын 61 кг-ын жингийн аварга Төв аймгийн БТСГ-ын харьяа "Төв-Арж" клубийн тамирчин цэргийн ДАШТ-ийн хүрэл медальт ОУХМ Э.Энхболд хүртэв. Тэрбээр шигшээ тэмцээнд тав барилдахдаа өрсөлдөгчдөдөө огт оноо алдаагүй байна.

         Харин “U17” насны ангиллын “Шилдэг тамирчин”-аар 65 кг-ын жингийн аварга "Баянгол-Аваргууд академи”-ийн тамирчин Г.Хангайбаяр шалгарч чөлөөт бөхийн хос өмсгөлийн эзэн боллоо.

       Лигийн шигшээ тэмцээний “U17” насны ангиллын 80 кг-ын жинд түрүүлсэн "Алдар” спорт хорооны тамирчин Ц.Ганбат техникийн 57 оноогоор нийт тамирчдыг тэргүүлж шагнал хүртлээ.

        Олимп, дэлхийн аварга шалгаруулах тэмцээний хүрэл медальт МУГТ Дугарсүрэнгийн Оюунболд агсны нэрэмжит "Өсөх ирээдүйтэй тамирчин" шагналыг санаачлан анхны эзнийг тодрууллаа. Энэхүү шагналыг “U17” насны ангиллын 45 кг-ын жингийн дэд аварга, нийслэлийн ерөнхий боловсролын "Спортын Төв сургууль"-ийн тамирчин Б.Лхамжав хүртлээ.