"Бангкок-2023" сонирхогчдын боксын “U22” насны Азийн аварга шалгаруулах тэмцээний эмэгтэйчүүдийн шигшээ тоглолтууд өчигдөр өндөрлөсөн. Манай улсаас зургаан эмэгтэй боксчин медаль хүртсэн билээ.

Өнөөдөр Монголын цагаар 14:00 цагаас 22 хүртэлх насны Ази тивийн аварга шалгаруулах тэмцээний эрэгтэйчүүдийн 63.5 кг жинд О.Тулга Узбекистан Улсын тамирчин Шахбоз Юнусалиевтай аваргын алтан медалийн төлөө хүчтэй тулаан хийлээ.

О.Тулга Узбекистаны тамирчин Шахбоз Юнусалиевтай финалдаж гурван үе тэнцүүхэн үзсэн ч шүүгчдийн саналаар ялагдал хүлээв. Эхний үеийг алдсан ч хоёр болон гуравдугаар үед үнэхээр сайн тулалдсан. Үүнээс гадна манай эрэгтэй боксчдоос 54 кг-д "Хангарьд" спорт хорооны тамирчин Доржсамбуугийн Ганболд, 57 кг-д Гантөмөрийн Лундаа нар хүрэл медаль хүртлээ.