Орчин үеийн таван төрөлтийн олон улсын холбооноос 2023 онд зохион байгуулах тэмцээний хуваариа танилцуулж, Парис 2024 олимпын эрх олгох шалгуурыг баталжээ. Олимпын эрх олгох тэмцээний нэг нь Ханжоугийн Азийн наадам болж байна. Азийн наадмаас таван эрх олгох гэнэ.

         Орчин үеийн таван төрөлтийн олимпын эрхийн өрсөлдөөн тавдугаар сард болох Каирийн дэлхийн цомоос эхлэх бөгөөд үүний дараа тивүүдийн АШТ, 2023, 2024 оны дэлхийн АШТ-ээс эрх олгоно.

            Улмаар дэлхийн чансаанд эзэлж буй байраар нь нэмэлт зургаан эрх олгосноор эрэгтэй, эмэгтэй тус бүр 36, нийт 72 тамирчин бүрдэх юм. Парис 2024 олимпын дараа орчин үеийн таван төрөлтөөс морин спорт хасагдах болсныг олон улсын холбоо нь мэдэгдээд байгаа билээ.