Нийслэлийн сургуулийн өмнөх боловсролын байгууллагын биеийн тамирын багш нарын дундах “BASKETBALL CUP-2023” сагсан бөмбөгийн аварга шалгаруулах тэмцээнийг Нийслэлийн боловсролын газар, Сүхбаатар дүүргийн Боловсролын хэлтэс, Биеийн тамир, Спортын хороо хамтран явууллаа.

Энэ удаагийн тэмцээн  Монгол III сургуулийн спорт зааланд амжилттай зохион байгуулагдсан байна. Тэмцээнд БГД, БЗД, ЧД, ХУД, СБД, СХД гэсэн зургаан дүүргийн эрэгтэй зургаа, эмэгтэй зургаа нийт 12 багийн 156 тамирчид оролцож хурд, хүч, авхаалж самбаагаа сорин өрсөлджээ.

Эрэгтэй багийн:

1-р байрт Н.Пүрэвбаатар ахлагчтай Сүхбаатар дүүргийн баг тамирчид

2-р байрт М.Отгонсайхан ахлагчтай Сонгинохайрхан дүүргийн баг тамирчид

3-p байрт Ц.Санчирбазар ахлагчтай Баянзүрх дүүргийн баг тамирчид

Эмэгтэй багийн:

1-р байрт Б.Золжаргал ахлагчтай Чингэлтэй дүүргийн баг тамирчид

2-р байрт Ч.Золзаяа ахлагчтай Сүхбаатар дүүргийн баг тамирчид

3-p байрт П.Сэрчмаа ахлагтай Баянгол дүүргийн баг тамирчид тус тус манлайлж өргөмжлөл, медаль, мөнгөн шагналын эздээр шалгарсан байна.

Багийн нийлбэр дүнгээр: Сүхбаатар дүүргийн баг тамирчид тэргүүлж “Шилжин явах цом”-ын эздээр шалгарсан аж. Эрэгтэй “Шилдэг тоглогч”-оор Сонгинохайрхан дүүргийн тамирчин М.Отгонсайхан, эмэгтэй “Шилдэг тоглогч”-оор Чингэлтэй дүүргийн тамирчин Г.Энхдалай нар тус тус шалгарч өргөмжлөл, мөнгөн шагналыг хүртсэн байна.