Францын Шамони хотод өвлийн анхны олимпийн наадам 1924 оны нэгдүгээр сарын 25-нд буюу өнөөдөр нээлтээ хийж байжээ. Тус олимпод 16 орны 258 тамирчин оролцож байсан аж. Үүнээс 13 нь эмэгтэй тамирчид байв. Мөн цанын төрлүүд, уран гулгалт, хоккей, гүйлтийн тэшүүрийн төрлөөр өрсөлдөж Норвеги Улс нийт медалийн тоогоор нэгдүгээр байрт шалгарч байв.

               Үүнээс жилийн дараа ОУОХ хуралдаж өвлийн олимпын наадмыг тогтмол зохион байгуулах шийдвэр гаргаж байв. Мөн энэ үеэр кёрлингийн спортыг олимпын наадамд танилцуулж байжээ. Гэвч тус спорт нь 74 жилийн дараа буюу 1998 оны Япон Улсад зохион байгуулагдсан өвлийн олимпод анх удаа нэгэн төрөл нь болж багтжээ.