Манай улсад ирэх хавар гуравдугаар сарын 10-22-ны өдрүүдэд хоккейн “С” ангиллын дэлхийн аварга шалгаруулах тэмцээн болно. Мөн Ази, Номхон далайн орнуудын “U18” нас хүртэлх хоккейчдийн аварга шалгаруулах тэмцээн тус тус болох юм. Эдгээр тэмцээнүүд 2023 оныг “Монголд зочлох жил”-ийн хүрээнд спортын аялал жуулчлалын нэг томоохон арга хэмжээ болж хувь нэмэр оруулах юм. Өнөөдөр Монголын хоккейн холбооны ерөнхийлөгч Б.Жавхлан, ерөнхий нарийн бичгийн дарга М.Отгонбаяр, шигшээ багийн ахлах дасгалжуулагч А.Мэргэн нар танилцуулга хийлээ.