Ардчилсан намын даргад нэр дэвшигчийн үнэмлэхийг өнөөдөр дөрвөн гишүүнд гардууллаа. Маргааш 9:00 цагаас АН-ын ҮБХ-ны ээлжит бус хурал болно. Дараагаар нь үдээс хойш 14.00 цагт "Корпорэйт" буудлын танхимд намын их хурлаа хийх юм.

     Нэр дэвшигчдэд үнэмлэх гардуулах үеэр Ардчилсан намын Үндэсний бодлогын хорооны дарга Ж.Батсуурь "Ардчилсан намын 2.5 жилийн хугацаанд намын дарга байсан. Өнгөрсөн 2022 оны гуравдугаар сарын 31-нд УДШ дээр Ардчилсан намын дүрмийг шинэчлэснээр бүртгэсэн.Тэр дүрэмд намыг төлөөлөх эрхтэй хүн байхгүй бол дэд дарга хийж байсан хамгийн ахмад настай хүн нь ҮБХ-ны гуравны нэг хувийн шаардлагаар их хурлыг зарлах эрхтэй гэж тусгасан байдаг. Тиймээс эрх зүйн зөрчил гарахгүй. Намын ҮБХ-ны 400 орчим гишүүн бий. Маргаашийн хуралд 327 төлөөлөгчөөс олон гишүүн ирэх байх. Их хурлаар 1052 төлөөлөгч ирж, оролцож буй" гэв.