Монгол Улсын Их Хурлаас байгуулагдсан Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг хянан шалгах түр хорооноос Нотлох баримтыг шинжлэн судлах сонсгол хоёр дахь өдрөө Төрийн ордны “Их Эзэн Чингис хаан” танхимд  үргэлжилж байна.

УИХ-ын гишүүн Б.Энхбаяр: "Империал Гоулд Майнинг" ХХК хувьцаа эзэмшигч Т.Мөнхбаяр гэдэг нь "Салхитын мөнгөний орд"-ын захирал асан, Монгол Улсын хөдөлмөрийн баатар Т.Мөнхбаяр мөн үү.

Т.Мөнхбаярын итгэмжлэгдсэн төлөөлөгч: Мөн

УИХ-ын гишүүн Б.Энхбаяр: Энэ зээлийг авах үеэр Т.Мөнхбаяр "Салхитын мөнгөний орд"-ын захирлаар ажиллаж байсан уу.

Т.Мөнхбаярын итгэмжлэгдсэн төлөөлөгч: Тухайн үед томилогдоогүй байсан.

УИХ-ын гишүүн Б.Энхбаяр: Уг зээлийн авахаасаа өмнө Хөгжлийн банкны идэвхтэй хувьцаа эзэмшигч гэх бүртгэлтэй байсан. Бидний Улсын бүртгэлийн газраас авсан лавлагаагаар энэ зээл олгогдохоос хэдэн сарын өмнө өөрийн идэвхтэй хувьцааг хасуулсан байна. Энэ талаар танд мэдээлэл байна уу.

Т.Мөнхбаярын итгэмжлэгдсэн төлөөлөгч: Энэ талаар тусгайлан мэдээлэл надад өгөөгүй. Би тайлбар хариу хэлэх боломжгүй.

УИХ-ын гишүүн Б.Энхбаяр: Хөгжлийн банкнаас мөнгө шилжсэний маргааш нь 1.7 тэрбумаар Т.Мөнхбаярын зээлийг хаасан гүйлгээ гарсан байна.