УИХ-ын гишүүн асан Ж.Батзандан болон түүний туслах Г.Аюулгүй нарыг баривчилж, 30 хоног цагдан хорьсон байдаг. Тэднийг Хөгжлийн банкны найдваргүй зээлдэгчийн асуудлаар баривчилж, саатуулсан гэх.

Тодруулбал, Нийслэлийн Прокурорын газраас Эрүүгийн хуулийн тусгай ангийн 22.1 дүгээр зүйлийн 3 дахь хэсэг, 18.6 дугаар зүйлийн 2 дахь хэсгийн 2.3 дахь заалтад тус тус заасан эрүүгийн хэрэгт яллагдагчаар татагдсан Ж.Батзандан, Г.Аюулгүй нарт цагдан хорих таслан сэргийлэх арга хэмжээ авах тухай саналыг Чингэлтэй дүүргийн Эрүүгийн хэргийн анхан шатны шүүхэд ирүүлснийг тус шүүх 2022 оны аравдугаар сарын 7-ны өдөр хянан хэлэлцээд Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.2, 1.3 дахь заалт, мөн хуулийн 14.10 дугаар зүйлийн 1, 5 дахь хэсэг, 14.13 дугаар зүйлийн 1, 8, 9, 10 дахь хэсэгт тус тус зааснаар яллагдагч Ж.Батзандан, Г.Аюулгүй нарт нэг сарын хугацаагаар цагдан хорих таслан сэргийлэх арга хэмжээ авч шийдвэрлэсэн юм.

            Тэгвэл УИХ-ын гишүүн асан Ж.Батзандан, Г.Аюулгүй нарыг суллаад хоёр сар орчмын хугацаа өнгөрч байна. Хэрэг нь хэрхэн шийдэгдэж байгаа талаар Ж.Батзандангийн туслах Г.Аюулгүйгээс тодрууллаа. Тэрбээр “Шалгагдаж байгаа нь үнэн учраас мэдээлэл өгөхгүй. Хэрэв энэ хэргийн талаар мэдээлэл өгвөл мөрдөн байцаалтын нууц задруулсан хэрэгт буруутгагдана” гэлээ.