ХНХ-ын сайд, УИХ-ын гишүүн Т.Аюурсайхан нүүрсний хулгайн хэрэгтэй холбоотой асуудлаар мэдээлэл өгч байна.

    Тэрбээр "Миний талаар УИХ-ын гишүүн Ш.Раднаасэд хэлж ярьсан. Захирлын нь таньж мэддэг гэсэн. Түүний ярьсантай холбоотой надаас АТГ-аас мэдүүлэг авсан. Нүүрс тээвэртэй холбоотой 400 орчим компани, худалдан авалт хийсэн 573 компани, 633 борлуулалтын компанийн нэр ил болсон. Өргөн хүрээтэй шалгалт явж байна. Хамаарал бүхий компаниараа дамжуулж, үүнд оролцсон асуудал надад байхгүй. Тиймээс нээлттэй мэдүүлгээ өгч, нэг мөр үүнийг шалгуулах нь зүйтэй гэж бодож байна. Нэгжлэг хийх талаар мэдээлэл байхгүй. Мөн гол асуудал нь Эрдэнэс Тавантолгой ХК-ийн захирлаар ажиллаж байсан Б.Ганхуягийг таньж мэдэх үү, ямар хамааралтай вэ гэж асуусан. Бид намын дэргэд ТББ байгууллага байгуулж, улс төрийн үйл ажиллагаа явуулах зорилгоор байгуулж байсан. Бид айхтар дотно биш ч, найз нөхдийн харилцаатай байсан. Ажил үүргийн хувьд тусдаа байсан. Хувийн асуудлаар би оролцож байгаагүй. Улсын эдийн засагт том байр суурь эзэлдэг газарт хэн нэгэн нууцаар оролцох боломжгүй. Нүүрсний хулгайг зөв байдлаар шалгаж байгаа гэж бодож байна" гэлээ.