УИХ-ын намрын ээлжит чуулган хуралдаж байна. Хуралдаанаар “Хууль тогтоомжийн тухай” хуульд нэмэлт өөрчлөлт оруулах, хамт өргөн баригдсан хуулийн төслүүдийг хэлэлцэх, эсэх талаар хэлэлцэх байсан. Гэтэл хууль санаачлагч уг хуулийн төслөө эргүүлэн татлаа. Хуралдааны үеэр УИХ-ын гишүүн Д.Ганбат үг хэлж, хариулт авлаа.

      Тэрбээр “Бид нарт үнэндээ байнга сайхан зүйл яриад суух, боломж алга. Өнөөдөр өглөө гэхэд би Монголбанкны валютын ханшийг харлаа. Удахгүй урд хөрш болох БНХАУ хилээ нээх гэж байна. 2022 онд юань 400 хүрэхгүй төгрөгийн ханштай байсан. МАН 2016 онд УИХ-д 65 суудалтай болохын өмнө юань 200 гаран төгрөгийн үнэтэй байлаа. Би оны өмнө тойргийнхоо сонгогч нартай уулзаад ирлээ. Иргэд маань улсынхаа баялгаас бага ч болов мөнгө ирнэ гэдэгт итгэлтэй байсан. Харин төрийн гурван өндөрлөг маань энэ талаар юу ч дуугарсангүй. Бөхийн өргөөнд засаг төрийн том дарга нь орж, ирэхэд иргэд маш их дургүй байна. Шат шатандаа алба хаагчдын маань нэр хүнд муудсан. Ийм ажлыг хийж байгаа гол хүмүүс бол манай УИХ-ын гишүүд юм. Мөн бид Үндсэн хуулийн нэмэлт өөрчлөлтийг маш буруу хийлээ” гэлээ.