Нүүрсний хулгайн хэрэгт холбогдоод буй МАН-ын таван гишүүн мэдээлэл хийлээ.

      Энэ үеэр УИХ-ын гишүүн Ш.Раднаасэд “Нүүрсний хулгайтай тууштай тэмцэнэ. Ард иргэдээс ирж байгаа мэдээлэл, “Тавантолгой” ХК-тай холбоотой бүх зүйлийг судалж үзэхэд, ард түмний баялгийг бодитой хулгайчид идээд, дуусаж байгаа юм байна. Монгол Улсын төсвөөс давсан хэмжээний зохион байгуулалттай энэ хулгай дээрэмтэй тэмцэхээр бид лобби бүлэг байгуулж байна. Ингэхдээ нүүрсний хулгайтай тэмцэх ард түмний шаардлагыг дэмжин, авлигатай тэмцэхээр нийт 28 гишүүн гарын үсэг зурсан. Үүнийгээ УИХ-ын даргад оруулж өгнө. Эхний ээлжид авлигыг яах вэ, хэрхэн цэгцлэх вэ гэдэг том зорилго байна. Дараа нь “Эрдэнэс Тавантолгой” ХК-ийн үйл ажиллагааг тогтмол ил тод байлгаж мэдээлдэг болгоё. Зөвхөн “Эрдэнэс Тавантолгой” ХК биш, Эрдэнэт үйлдвэр, цаашлаад уул уурхайтай холбоотой бүх төрийн өмчит үйлдвэр рүү орьё гэж бодож байна. Хоёрдугаарт, хууль хяналтын байгууллагынханд ард түмэн ч итгэхгүй байгаа. Тиймээс УИХ-д өргөн баригдаад хэлэлцэх эсэх нь шийдэгдсэн байгаа Шүгэл үлээгчийн эрхзүйн тухай хуулийг яаралтай батлуулахад тэмцэх болно. Энэ бол олон нийт хэн нь хулгайч вэ гэдгийг бүгд мэдэж байгаа. Ингэж мэдээллэснийхээ төлөө олсон орлогынхоо 20-40 хувийн ашгийг шүгэл үлээсэн сэтгүүлч, ард түмэн аваг” гэв.