Улсын Их Хурлын намрын нэгдсэн чуулганы үеэр УИХ-ын гишүүн О.Цогтгэрэл “УИХ-ын тухай зүйлийн 14.3-т УИХ-ын дарга нь нам, эвслийн бүлэг, байнгын хороодын үйл ажиллагааг удирдан зохицуулж, ажиллагааг хангах үүргэтэй гэж заасан байдаг. Гэтэл Улсын Их Хурал дахь ардчилсан намын бүлэг бүрэн бүрэлдэхүүнээрээ хуралдах боломж бололцоо хангагдахгүйгээр гурван сар боллоо. Энэ хүрээнд Улсын Их Хурлын даргад аравдугаар сарын 19-нд  ардчилсан намын олонхи гишүүд байр суурь, шийдвэрээ уламжилсан. Одоо хүртэл УИХ-ын даргын зүгээс ажиллах боломжийг хангаж өгөхгүй байна. Одоо үүний дараа үндсэн хуулийн цэцэд хандах зэрэг УИХ-ын даргыг Монгол Улсын хуулийг биелүүлээсэй гэж шаардаж байна” гэв.