Улсын Их Хурлын намрын нэгдсэн чуулганы үеэр УИХ-ын гишүүн Б.Пүрэвдорж  “Монгол Улс бол нэгдсэн улс. Энэ ч утгаар Монгол Улсын парламентаар дэмжигдсэн, Засгийн газраар хэлэлцэгдсэн Эрдэнэбүрэнгийн усан цахилгаан станцийн асуудлыг зүгээр нэг сумын иргэдийн хурлын дарга тогтоол гаргаад, эсэргүүцээд, БНХАУ-ын элчин сайд руу албан бичиг бичих тухай ярьж байгаа нь зүйд нийцэхгүй байна. Монгол Улс эрчим хүчний арвин нөөцтэй. Бид түүнийг зөв зүйтэй ашиглах нь чухал бөгөөд гадны улсаас эрчим хүчний харьяат байх ёсгүй. Энэ ч хүрээнд хийж байгаа баруун таван аймгийн ард түмний амьдралд их хэрэгтэй тус усан цахилгаан станцыг гацааж байгаа төрийн албан хаагчдадаа төрийн төмөр нүүрийг харуулах хэрэгтэй. Хоёрдугаар асуудал, УИХ ойрын үед ажлаа хийхгүй байна. Сүүлийн дөрвөн долоо хоног пүрэв, баасангийн чуулганы аль нэгийг нь хий дэмий өнгөрөөж байна. Тиймээс ажлаа хийж ард түмний амьдралд хэрэгтэй шийдвэрийг гаргаасай гэж хүсэж байна” гэв.