Өнгөрсөн пүрэв гарагт Навальныйг дэмжигчид ахин жагсаж, түүнийг суллахыг шаардсан билээ. Тэгвэл уг жагсаалын дараа эмч нар Навальныйн биеийн байдал муудаж буй тул нэн даруй өлсгөлөн зарлахаа болих хэрэгтэй хэмээн анхааруулав. Алексей Навальный шоронд орсны дараахан бие нь улам муудсан тул шаардлагатай эмчилгээг авахын тулд гурав дахь долоо хоногтоо өлсгөлөн зарлаад буй.

Лхагва гарагт Барууны орны эрх баригчид Кремлийн ордонд хандан “Хэрэв түүнийг нас барсан тохиолдолд илүү том үр дагавартай нүүр тулж болзошгүй” гэж анхааруулсан билээ. Үүний дараа Навальныйг суллахыг шаардсан олон мянган иргэн ОХУ-ын өнцөг булан бүрт жагсав.

Навальныйн хувийн эмч Ярослав Ашихмин “Хэрэв өлсгөлөн удаан үргэлжилбэл бид түүнийг эмчилж чадахгүйд хүрнэ. Тиймээс өлсгөлөнгөө даруй зогсоох ёстой” хэмээжээ.